बंटवाळ,
१/६/१९५४
श्रीयुत मल्लयांक वन्दन !
तुम्गॆलॆ एक लॆख २७.५.१९५४ चा इन्ड्यन एक्स्प्रस पॆपरान्तु वचुनु बहु आनन्दु जालॊ। कॊंकणी लॊकाञ्चा खातीर जग्डॊ कॊरचॊ थॊडॊ जाल्यारीय कॊची तॆरपणा आस्सा मणु कळ्ळॆ।
प्रथम जावनु आमगॆली अवस्था पळॆया। अमका हांगा कानरीस बर्प जावनु आमी तुम्का आमगॆलॊ अभिप्राय तिळसूचाक कितुलॆ कष्ट जाताती पळॆया। आमी कन्नडान बरैल्यारि तुम्का कळना। तुमगॆली मलयाळी अम्का एना। जावचाक आमी दॊगॆय एका जातीची। दॊगांकॆय कळची इन्गलीष भाषॆन बॊरौचाक प्रयत्न कॆला।
अमगॆली जातिजनां आजि सगळॆ जगत्यारी पसरसूनु गॆल्ल्यांची। आजि अमगॆल्या घरकडॆ कॊंकणी उल्लैतांची जल्यारि व्यवहाराक अमका दुसरी लिपी जांवका जाल्या। एकच जातिचानी पत्र बरौचॆ जल्यारीय दूसरी लिपि शिवाय गति ना।
तुम्ही सांगिल्या प्रमाणॆ अमगॆलि भाषा पुरातन धॊरनु अस्सा जल्यारि अमगॆल्या भाषॆक लिपी आसूका। आमी अमगॆलॆ स्वतन्त्र भाषॆनच व्यवहारू कॊरचाक इत्याक अमगॆली भाषा अमगॆली लिपी प्रचार हाडूक नज्ज? अमका हांगा गॊत्तु अस्सिल्या प्रमाणॆ अमगॆली लिपी दॆवनागरी मणताती। दॆवनागरी जावॊ कहञ्चीय जावॊ अमका लिपि जावंका। मॆगॆलॊ अभिप्रायु तुम्का सम मणु दिसता वॆ?
आमी गॊवा थकून धावून आय्यिलीं (चरित्र सांगता)। अमगॆली मूल दॆवस्थानां थय अस्सच। आमगॆली कुलदॆव थयींच अस्सच। आजि अमगॆली अवस्था कशी जल्ल्या मळारी ज्यूस (Jews) मळॆली जाति कस्सी अस्सॆयगी तशीच। अमका अमगॆलो दॆशु ना। थयंचा अमगॆल्यांक कॊचीच जनां बायर एवंचाक सॊडना। हांगा अमका हांगाचॆ कन्नडा लॊकु सॊडना। भाषावरु प्रान्तु (linguistic provinces) मणचॆ जगड्यान्तु आमी करपलीं। प्राका चरित्रान्तु “कॊंंकण” दॆशु अस्सिलॊ। आजकॆय गुरथु (mark)दाखॆयतात। आजि तॊ दॆशु ना। परतुगीसानी यॆवुन अमगॆली जातीक धावंडाल्या। आमी अमगॆलॆ धर्माचॆ खातीर हांगा आयलीं। आजि अमगॆलॊ दॆशु कष्टारी अस्सा। गॊवांतु स्वतन्त्र जावंका मणु चळवळा (agitation) प्रारंभु जाला। मुखारि गॊवा स्वतन्त्र जल्यारी कर्णाटकाक मॆळका मणू थॊडॊ लॊकु मणता। थॊडॊ लॊकु महाराष्ट्राक मॆळका मणु मणता। अमगॆली जाती जगत्यांत खयीं असल्यारीय अमगॆलो जातीचालो स्वतन्त्र प्रांतु नक्का मणु असचना। थॊडॆ दिसांक जल्यारीय आमी स्वतन्त्र दॆशान्तु स्वतन्त्र जनां मणौनु गॆव्यात। अशीच थॊडॆ शतमानां (centuries) गॆल्यारि अमगॆलीच जनांक अमगॆली भाषा बिसरूक पूरॊ।
ह्या खातीर अम्मि संघटना जावुन अमगॆलॊ उद्दॆशु सरकारा मुखारि अत्तांचि दवरलॆना जल्यारि अमगॆलॊ दॆशु अमका मॆळना।
तुमगॆलॊ अभिप्रायु दया करनु तिळसूका। चूकि असल्यारि माफ कॊरका।
तुमगॆलॊ नरसिंह बाळॊ बंटवाळकार
(This letter finds a place in the Sabha’s Golden Jubilee Souvenir published in 2018. Only the script has been changed while reproducing this letter which was written to Honorary Secretary of the Sabha Sri N Purushothama Mallya and was in response to the latter’s letter to the Editor of Indian Express attacking the 1951 Census report classifying Konkani as a dialect of Marathi. The letter is reproduced on this page just to inform the present generation how strong the yearnings and feelings were at the time when Goa had not been liberated from foreign rule and both Maharashtra and Karnataka were having a covetous eye on this tiny but beautiful piece of land. The writer of the letter was Secretary of Bantwal Cooperative Town Bank Limited at the time of writing it. The Sabha hopes that the spirit of those days will revive and such letters in Devanagari Konkani will become the order of the day in the near future)